بسم الله الرحمن الرحيم

 التاريخ / 29-9-1430 هـ
 عنوان الدرس / فك وأفك في سطور

الحياة كلها فك وافك ..

كلها هواش وطقاق والا ماتمشي بحياتك
ومن اول يوم لك على وش الدنيا والدختور يبي يخرجك من رحم امك ووانت متدلي وماسكن الحبل السري بيديك وهو متدلي وراك وماسكن رجيلاتك وانت تصايح ( فك وافك)
حتى اول يوم لك بالمطرسة ابوك قاعدن يسحبك ويدخلك مع البوابة بيوديك للفصل وانت متشبث بثوبه من ورى ومن الحماس ماسكن الثوب وسريويل السنة مع بعضهن وتصايح ( فك وافك)
حتى بالدراسة ماتمشي فيها الا بفك ...وافك .. تفك الكتب وتذاكر دروسك تفكك المطرسة وتنجح ..
حتى وانت بسن المراوغة ( المراهقة ) هالسن اللي كله مشاكل وطواقي لحد الجبهه والراس من ورى ماعليه شيء واليدين مشمرها تحسه بينصفق كف هالسن الله يسلمكم
حياتهم فك وافك .. مايتعدل الا بدوريه ساحبتن جلنط عند باب بيتهم ومطلعه ابوه يشوت فيه.. تفك الناس من مشاكلك يفكونك من الحبس .. الحياة كلها فك وافك
حتى الوظيفة ماتجيك الا بهواش ومطاق وفك وافك بعد ماينلعن حظك وتنطرد من سبع وظايف و3 حاطينك احتياط متسلل .. حتى الزواج هالأيام صايرن مخيس مايزوجك ابوها لين ينفضك كل ماقدامك ووراك
فك ماعندك يفك عنك بنيته.. اللي يشوفه يقول انه بيزوجك ساندريلا الشاشة العربية وهو وبنيته كنها عنز من اعالي الديار الجبلية .. وتكبر وتشيب ويصير شكلك مثل روبيرتو دينيرو و4وحريم وسبعة وعشرين بزر
وهواش ومطاقة ووو وتسذا هي الحياة مستمرة بنظام فك وافك ..

مع تحيات / فك وأفك                     
أستاذ مشارك بجامعة أكسفورد و أحسن معلم شاورما :)